| lb | fr | pt | en |
Banneux 2023 – Féier äis bei de Jesus
Réckbléck op d’diözeesan Pilgerfaart den 12. September 2023
Ënnert dem Motto „Féier äis bei de Jesus“ ass eis Diözees den 12. September op Banneux gepilgert.
De Sanctuaire ass eng éischter bescheide Plaz an der Lécker Diözees, wou vu Januar bis Mäerz am Joer 1933 d’Muttergottes deem jonke Mariette Beco 8mol erschingen ass. Besonnesch nom Zweete Weltkrich huet Banneux sech zu enger Plaz vu Gebiet mat internationalem Charakter entwéckelt. Maria gëtt hei als „Jongfra vun deenen Aarmen“ veréiert. Mat dësem Titel schwätzt si bis haut vill einfach a kleng Leit un.
Haut ass Banneux e Pilgeruert, dee wäit iwwert d’Grenze vun der Belscht eraus rayonnéiert. Mënsche vu verschiddene Sproochen, Kulturen a Spiritualitéiten drécken op dëser Wallfaartsplaz hire Glawen aus a kommen zesumme bei der „Quell vum Heel“.
Grad um Ufank vum neie Pastoraljoer 2023/2024 ass et duerfir méi wéi eng schéin Traditioun, wann d’Lëtzebuerger als Diözees op Banneux pilgeren.
