| lb | fr | pt | en |
D’Sonndesmass vum 1. Mee gouf vu Weiler zum Tuerm iwwerdroen
D’Sonndesmass um 3. Ouschtersonndeg gouf vu Weiler zum Tuerm iwwerdroen. D’Chorale Sainte Cécile Weiler & Haassel séngt d’Mass. Dirigent ass den Horatiu Dragan, Organistin ass d’Simone Appelbaum-Goebel. D’Mass gëtt um 9 Auer als Tëleesmass live op .dok TV an als Stream op cathol.lu iwwerdroen an um 11 Auer op RTL ZWEE widderholl.
Suivéiert d’Mass e Sonndeg HEI am Live-Stream an duerno de Replay
Die Chorale Sainte-Cécile Weiler & Haassel
Éischt Statute fir e Männerchouer am Joer 1890, nei musikalesch Ausriichtung 1969 mat der Integratioun vu jonken, gesangsbegeeschterten Dammen, ass d’Chorale Weiler&Haassel aktuell en zueleméisseg éischter bescheidenen, mee trotz all den erliefte Restriktiounen weiderhin beschtens opgestallte Veräin.
Méistëmmeg Gesäng fir ënnerschiddlech Geleeënheeten, mol méi lieweg-freedeg, mol méi beschaulech-traureg, léieren d’Sängerinnen a Sänger am Proufsall zu Haassel ënnert der Uleedung vum Dirigent Horatiu Dragan mëttwochs, vun 19.30 bis 21 Auer.
Fir d’Massen a Gottesdéngschter am 14-Deeg-Rhythmus, fir ugepasste Programmer op de Feierdeeg, kann de Weiler Gesank op d‘Ënnerstëtzung vun der Organistin Simone Appelbaum-Goebel zielen.
Ofgestëmmtheet an Zouverlässegkeet, Wäertschätzung a Frëndschaft si bei der Chorale Ste Cécile Weiler & Haassel Garant fir eng effizient Teamaarbecht, réigelméisseg och bei gesellschaftlechen Uläss.
Fotoen (Kierch + Chorale): Alois Theisen
De musikalische Programm vun der Mass
| Entrée | Praeludium in D | Gustav MERKEL |
|---|---|---|
| Agangslidd | Gloire à toi, source de toute joie | Myriam DEBOEUF / Communauté de l’Emmanuel |
| Kyrie | Kyrie | Hans JAKADOFSKY |
| Gloria | Gloria, Gloria | Jon PAIGE |
| Alleluja | Alléluia, le Seigneur règne | Ester de VRIES / Chants de l‘Emmanuel |
| Credo | gebied | |
| Fürbitten | O Lord, hear my prayer | Jacques BERTHIER / Communauté de Taizé |
| Offertoire | Aimer, il suffit d‘aimer | Georges LEFEBVRE / Jean-Marie BELLIARD |
| Sanctus | Sanctus | Hans JAKADOFSKY |
| Anamnes | L’Esprit de Dieu | Lucien DEISS |
| Agnus Dei | Agnus Dei | Hans JAKADOFSKY |
| Kommioun | Quand il disait à ses amis | Didier RIMAUD / Jo AKEPSIMAS |
| Schlusslidd | Freue dich, Welt | Isaac WATTS / Georg Friedrich HAENDEL |
| Sortie | Sortie [aus “L’organiste moderne”] | Louis LEFÉBURE-WELY |
