D’Sonndesmass um 13. Sonndeg am Joreskrees gouf vun Éinen iwwerdroen

Den 30. Juni gouf d’Houmass vun Éinen iwwerdroen. Den Ensemble vocal Sainte-Cécile Ehnen huet gesong an d’Museker vum Lëtzebuerger Kammerochester (OCL) gespillt. D’Mass gouf um 9 Auer als Tëleesmass live op apartTV an als Stream op cathol.lu iwwerdroen an um 11.00 Auer op RTL ZWEE widderholl.

Suivéiert d’Mass e Sonndeg HEI am Live-Stream an duerno de Replay

Den Ensemble vocal Sainte-Cécile Éinen

Den Ensemble vocal Sainte Cécile Einen féiert a solistescher Besetzung déi laang Traditioun vun der Chorale Ste Cécile Ehnen weider, déi 1852 als eelsten Duerfveräin gegrënnt gouf.

D’Sänger setzen sech fir de Musel-Répertoire an, z. B. mat hirer CD „Léiderschall am Museldall“, si organiséiere klassesch Concerten doheem an am Ausland, si encadréiere kulturell Manifestatiounen. Säit e puer Joren sangen si d’Radios-/Tëleesmass an der ronner Kierch zu Éinen.

Déi Mass vun dësem Joer, bei däer Museker vum Lëtzebuerger Kammerorchester OCL matwierken, erënnert un de 50. Anniversaire vum Ensemble „Les jeunes musiciens“ /OCL, déi hei an der Kiirch vun Éinen op Christi Himmelfahrt 1974 hiren éischte Concert gespillt hunn.

De musikalesche Programm vun der Mass

Ënnerstëtzt d’Iwwerdroung vun der Tëleesmass mat Ärem Don