| lb | fr | pt | en |
D’Sonndesmass gouf vun Hemstel iwwerdroen
Elo am Replay op cathol.lu
D’Sonndesmass gouf dëse Sonndeg, den 15. November, um 9 Auer aus der Kierch vun Hemstel iwwerdroen. D’Chorale Sainte-Cécile Bech-Biwer-Hemstel huet ënnert der Leedung vum Thomas Osborne gesongen, op der Uergel begleet vum Libby Kramer.
Chorales Sainte-Cécile Bech-Biwer-Hemstel
Et koum anescht, wéi dat wat mir geméngt a gehoff haten… D’Kierchechéier vu Bech-Biwer-Hemstel haten sech virgeholl, d’Radiosmass vum 15. November 2020 ze sangen fir d’Hemsteler Kirmes a gläichzäiteg fir déi 125 Joër vum Hemsteler Gesang an der Freed ze feieren. Corona-bedéngt an aus Virsiicht fir ons zum groussen Deel vulnerabel Sängerkollegen a -kolleginnen ass et noutwendeg ginn, onse Projet e bëssche méi kleng ze schrauwen. D’Geschicht vum Hemsteler Gesang, wéi och déi vu ville Chéier, huet gewisen, datt fir “Nout ze wenden” Flexibilitéit, Gedold an Ausdauer ëmmer nees nei vun ons verlaangt ginn. An dësem Kontext huet, stellvertretend fir de ganze Chouer an an der Dankbarkeet géintiwer all onse Sängerinnen a Sänger an denen 125 Jor, e klenge Grupp vu Kantoren a Begleeder sech bereed erklärt dës Radiosmass ze gestalten. Mat onsem Programm huele mir d’Froen an d’Ängscht vun onser Welt eescht a mir versichen ons an dem gesanglichem “Wanterschlof” nei ze besënnen op ons Quellen an ons Aufgab als chrëschtlech Gemeinschaft an der Welt vun haut.
Suivéiert d’Mass e Sonndeg am Live-Stream hei
De musikalische Programm vun der Mass
| Entrée: Uergel | Präludium G-Dur | Johann Georg Albrechtsberger |
|---|---|---|
| Agangslidd | Où va notre terre | D. Rimaud, J. Akepsimas |
| Kyrie | gëtt gebiet | |
| Gloria | Gloria, Ehre sei Gott | K. Stimmer Salzeder |
| Psalm | Der Herr ist mein Licht und mein Heil | M 487 |
| Alleluja | Alleluia 7 de Taizé | J. Berthier (LD 204) |
| Credo | gëtt gebiet | |
| Gowelidd | Dieu nous appelle pour faire Église | G. Lefebvre |
| Sanctus | Missa de angelis | M 407 |
| Vater unser | gëtt gebiet | |
| Agnus Dei | Missa de angelis | M 408 |
| Kommiounslidd | Seigneur, foyer d’amour | M. Brouta |
| Schlusslidd | Ein Haus voll Glorie | J. Mohr |
| Sortie: Uergel | Canzon | Christian Erbach |
Chouer: En Ensembel vu Kantoren (Sainte-Cécile Bech-Biwer-Hemstel)
Dirigent: Thomas Osborne
Organist: Libby Kramer
