| lb | fr | pt | en |
D’Sonndesmass gouf vu Saeul iwwerdroen
De Replay op cathol.lu
D’Sonndesmass gouf den 10. September um 9 Auer aus der Kierch vu Saeul iwwerdroen. D’Uergel huet den Abbé Joël Santer gespillt.
Eis Kierchen a Kapellen sinn nët méi aus der reliéiser a kultureller Landschaft vun eisem Land ewechzedenken. Sou och déi schéi romanesch Kierch vu Sëll, déi am 12. Jorhonnert am réimeschen Basilika-Stil erbaut ginn ass, mam markante barocken Tuerm, deen am 18. Jorhonnert ugebaut gouf. Déi Sëller Basilika, déi an de sechzeger Joren vum 20. Jorhonnert erëm an hier Ursprungsform zréckverwandelt gouf, huet och eng léif, kleng Uergel aus der Lëntgener Manufaktur Westenfelder. Nët nëmmen de Chouergesang spillt eng wichteg Roll an eise Liturgien, mä och d’Kinnigin vun allen Instrumenter: d’Päifenuergel. Dëse Sonndeg gëtt dann och déi kleng, eemanualeg Uergel vu Sëll während der Sonndesmass hervirgehuewen, ee „Kleinod“ vu lëtzebuerger Uergelbaukonscht. Mat hiere barocker Registratur gët dës Uergel dem Sëller Basilikaraum een onvergiessleche, freedege Cachet. Konscht an Architektur verschmelze mateneen, fir de Gleewegen esou an d’Liturgie eranzeféieren. Konscht an Architektur sinn zesummen Gottesdéngscht. An dës Experienz a Freed soll mat der Radiosmass de nächste Sonndeg iech alleguerte vermëttelt ginn.
Suivéiert d’Mass e Sonndeg am Live-Stream hei
De musikalische Programm vun der Mass
| Entrée | Prélude et fugue en mi mineur | J.S. Bach |
|---|---|---|
| Kyrie | gëtt gebiet | |
| Gloria | Gloria vu Lourdes | LD 146 |
| Alleluja | Halleluja | LD 207 |
| Credo | gëtt gebiet | |
| Gowebereedung | Offertoire sur les grands jeux | François Couperin |
| Sanctus | Saint! Saint! Saint, le Seigneur | LD 243 |
| Vater unser | gëtt gebiet | |
| Agnus Dei | ||
| Kommunioun | Variations "Onder een linde groen" | Jan Pieterszoon Sweelinck |
| Sortie | Fugue en sol mineur | J.S. Bach |
Organist: Abbé Joël Santer
