| lb | fr | pt | en |
D’Sonndesmass gouf vu Lelleg iwwerdroen
Elo am Replay op cathol.lu
D’Sonndesmass gouf dëse Sonndeg, de 17. Januar, um 9 Auer aus der Kierch vu Lelleg iwwerdroen. D’Choralë vu Lelleg a Manternach hunn ënnert der Leedung vum Roby Mehlen gesongen, op der Uergel begleet vum Marcel Weis.
Chorale Lellig/Manternach
Viru gutt drëssig Jar hunn déi zwou Chorale vu Lellig a Manternach decidéiert, zesummen ze sangen, ouni awer hir Eegestännegkeet opzeginn. Eng Zesummenaarbecht, déi bis elo bestens funktionéiert huet. Mir sangen d’Sonndes- an d‘Feierdagsmassen, Begriefnesser an Hochzäiten an donieft awer och weltlech Lidder. Jiddfereen dee Freed um Gesank huet, ass häerzlech wëllkomm fir matzemaachen.
Dirigent ass de Roby Mehlen, iwwerdeems de Norbert Weydert an den Ernest Santer meestens fir d’Uergelbegleedung suergen. D’Radiosmass um Fest vum hl. Antonius, Schutzpatroun vun der Lelliger Kierch, begleet de Marcel Weis, e Lelliger Jong, Titularorganist zu Maacher.
Suivéiert d’Mass e Sonndeg am Live-Stream hei
De musikalische Programm vun der Mass
| Entrée: Uergel | Virspill Agangslidd | |
|---|---|---|
| Agangslidd | Ein Haus voll Glorie | Joseph Mohr |
| Kyrie | Här erbarm Dech eiser | |
| Gloria | Éier dem Härgott am Himmel | |
| Alleluja | Alleluja | |
| Credo | gëtt gebiet | |
| Gowelidd | Seigneur voici le pain | |
| Sanctus | Helleg helleg helleg | |
| Anamnèse | Jesus Christus operstane | Noël Colombier/Léon Kirsch |
| Vater unser | gëtt gebiet | |
| Agnus Dei | Här Jesus Du hëlls d’Sënden | |
| Kommiounslidd | Tu es là au coeur de nos vies | |
| Schlusslidd | Antonius heilger Schutzpatron | |
| Sortie: Uergel | Dialogue | Jean Langlais |
Chouer: Chorale Lellig/Manternach
Dirigent: Roby Mehlen
Organist: Marcel Weis
