| lb | fr | pt | en |
D’Sonndesmass gouf vu Biissen iwwerdroen
Och als Replay op cathol.lu
D’Sonndesmass gouf dëse Sonndeg, de 7. Mäerz aus der Kierch vu Biissen iwwerdroen. De Grupp vun den Angels-Singers vun de „Biisser Massendénger“ huet ënnert der Leedung vum Patrick Schmit gesong, op der Uergel huet d’Katarina Strajtova an op der Gittar d’Emmanuelle Schmit begleet.
Angels-Singers vun de „Biisser Massendénger“
Erëm eng Kéier invitéiert d’Par Äischdall-Helpert St-Willibrord zur Matfeier vun der Sonndesmass, dës Kéier aus der Kierch vu Biissen, déi dem hellege Stephanus geweit ass.
Ee Spréchwuert seet: „D’Nout mécht erfinderesch!“ Bedéngt duerch déi limitéiert Sëtzplazen wéist Covid-19 huet zu Biissen samschdes owes eng zweet Sonndesmassen missen agefouert ginn.
Nodeems eis Kierch een Uergelpositiv an de Chouer krut, ass de Wonsch vun e puer Massendénger a Jugendlechen opkomm, fir villäicht bei der Gestaltung vun dëser zweeter Sonndesmass ze hëllefen. Niewent dem Sangen hunn déi Jonk och hiert musikalescht Kënnen ënner Beweis gestallt. Mat hire schéine Stëmmen a mat hire musikaleschen Talenter um Uergelpositiv, ob der Gittare a Gei hu si schon esou munch Gleeweg begeeschtert.
Dëse Dëse Grupp ass nach an den Ufäng. Mä aus der Nout an der jugendlecher Dynamik eraus ass esou ee klenge Grupp entstanen, dee Freed mécht. An dës Freed wëllen déi Jonk op dësem 3. Faaschtesonndeg ganz einfach weiderginn. Eng positiv Entwécklung fir eis Par – duerch Corona.
Suivéiert d’Mass e Sonndeg am Live-Stream hei
De musikalische Programm vun der Mass
| Uergel-Intro | Say Something | Christina Aguilera, A great big world |
|---|---|---|
| Agangslidd | Arms | Christina Perrie |
| Kyrie | Kyrie | LD 126 |
| Äntwertgesang | Trouver dans ma vie ta présence | LD 597 |
| Ruff virum Evangelium | Lob sei dir, Herr | LD 152 |
| Credo | Nous le croyons | LD 213 |
| Gowelidd | Perinbaba | Petr Hapka |
| Sanctus | Kumbayah my Lord | LD 567 |
| Agnus Dei | Agneau glorieux | LD 277 |
| Kommiounslidd | Amazing grace | LD 582 |
| Schlusslidd | We are the world |
Chouer: Angels-Singers vun de „Biisser Massendénger“
Dirigent: Patrick Schmit
Uergel: Katarina Strajtova
Gittar: Emmanuelle Schmit
- D’Mass vum 3. Juli gouf vun der Foire Agricole zu Ettelbréck iwwerdroen
- D’Mass um 27. Sonndeg am Joreskrees gouf vu Furen iwwerdroen
- D’Sonndesmass gouf vu Kanech iwwerdroen
- D’Sondesmass um 2. Faaschtesonndeg gouf vu Weimeschkierch iwwerdroen
- D’Sonndesmass gouf um Dräifaltegkeetssonndeg aus der Kathedral iwwerdroen