| lb | fr | pt | en |
D’Sonndesmass gouf aus der Giischterklaus iwwerdroen
Och als Replay op cathol.lu
D’Sonndesmass gouf dëse Sonndeg, de 14. Mäerz aus der Giischterklaus bei Rouspert iwwerdroen. Kantoren a Sänger*innen aus der Par Regioun Iechternach hunn ënnert der Leedung vum Tom Osborne gesong, op der Uergel huet de Jos Majerus begleet.
D’Giischterklaus
"Tu meinem Mund auf, dich zu loben"
Sonndesmass aus der Giischterklaus
Jousefsmount am Jousefsjor, den Ufank vun der Pilgersaison op der Giischterklaus steet am März 2021 ënner enger besonnescher Erausfuerderung :
Wéi kënne mir, an dësem ofgeleeënen Uert vun der Stëllt an Ënnerlechkeet, Mënschen vun haut eng Botschaft an eng Gemeinschaft vun Trouscht a Mutt an enger schwiereger Zäit mat op de Wee ginn?
Am Kader vun zwou Radiosmassen, animéiert – Corona bedéngt – vun engem klenge Grupp vu Kantoren a Sänger aus der grousser Por Regioun Iechternach zesummen mat der Sonndescommunautéit vun der Klaus, sange mir méi oder manner bekannt Lidder aus dem Magnificat.
Am Gottesdéngscht vum Laetare oder Halleffaaschten Sonndeg invitéiere si ons, e klore Bléck op ons selwer – ons Zerbriechlechkeet, Onsécherheet an Onzougänglechkeet – ze werfen, a gläichzäiteg onst Liewen an Hoffnungen vum Härgott senger Léift a Freed duerchliichten ze loossen : „Sag ja zu mir, wenn alles nein sagt“ …
Dir sidd häerzlechst agelueden, och vun doheem aus, matzesangen a matzebieden!
D’gesanglech Animatioun steet ënner der Leedung vum Tom Osborne; de Jos Majerus, den Organist vun der Basilika zu Iechternach, spillt op der frësch gestëmmter Westenfelder Uergel vun der Giischterklaus.
Suivéiert d’Mass e Sonndeg am Live-Stream hei
De musikalische Programm vun der Mass
| Prélude | Voluntary in G | Henry Heron |
|---|---|---|
| Agangslidd | Sag ja zu mir | D. Zils (M 165) |
| Kyrie | Seigneur, ne nous traite pas | Lucien Deiss (M 1029) |
| Psalm | Wir sind auf Christus getauft | M 646 |
| Ruff virum Evangelium | Lob dir, Christus | M 562 |
| Credo | gëtt gebied | |
| Gowelidd | Es kostet viel, ein Christ zu sein | Chr. Fr. Richter, J. S. Bach |
| Sanctus | aus der Missa Quadragesima | M 416 |
| Anamnes | M 1119 | |
| Agnus Dei | aus der Missa Quadragesima | M 417 |
| Kommioun | Kleines Präludium in e | Albert Jenny |
| Danksagung | Das ist ein köstlich Ding | R. Schweizer (Magn 271) |
| Schlusslidd | Du aus Davids Stamm geboren | M 894 |
| Sortie | Ballo del granduca | Jan Pieterszoon Sweelinck |
Chouer: Kantoren a Sänger*innen aus der Par Regioun Iechternach
Dirigent: Tom Osborne
Uergel: Jos Majerus
