| lb | fr | pt | en |
D’Sondesmass um 4. Sonndeg am Joreskrees gouf vu Mamer iwwerdroen
Den 28. Januar gouf d’Houmass vu Mamer iwwerdroen. D’Chorale Sainte Cécile Mamer huet ënnert der Direktioun vum Sylvie Serra gesong, begleet um Saxophon vum Lynn Gloden an op der Uergel vum Marc Loewen. D’Mass gouf um 9 Auer als Tëleesmass live op apartTV an als Stream op cathol.lu iwwerdroen an um 11.00 Auer op RTL ZWEE widderholl.
Suivéiert d’Mass e Sonndeg HEI am Live-Stream an duerno de Replay
D’Chorale Sainte Cécile Mamer
D’Chorale Sainte Cécile Mamer ass am Joer 1883 gegrënnt ginn an huet 2023 hiert 140 järegt Bestoe gefeiert. Aktuell ziele mir ronn 35 Sängerinnen a Sänger.
Eis Dirigentin, d’Madamm Sylvie Serra-Jacobs schafft sech mat eis duerch e ganz diverse Repertoire vu Klassik iwwert Chanson bis Pop a Musical duerch, dee bei follgenden ëffentlechen a privaten Aktivitéite presentéiert gëtt :
- Festdeeg vum Kierchejoer; Nationalfeierdag an nationale Commemoratiounsdag
- Open Air Mass, Hochzäiten, Gottesdéngschter a Begriefnesmassen
- Weltlech Concerten: Uucht am Hierscht, Fréijoers- Summer- an Adventsconcerten
D’Chorale gëtt vum Pianist Cosimo Colaci begleet.
Mir géifen eis freeën, wann sech stëmmbegaabte Leit entschléisse wéilten dem Chouer bäizetrieden.
Geprouft gëtt donneschdes owes vun 20 bis 22 Auer, an der fréierer Gemeng (r.d.ch.),
Place de l’Indépendance zu Mamer.
De musikalesche Programm vun der Mass
| Uergel/Saxophon: Entrée | Where’er you walk | Georg F. Händel |
|---|---|---|
| Agangslidd | Jubilate Deo | Jon Paige |
| Kyrie | Kyrie | Jerry Estes |
| Gloria | Gloria in excelsis Deo et in terra pax | Teresa O’Connell |
| Alleluia | Alleluia irlandais | LD 204 |
| Credo | gëtt gebiet | |
| Gowelidd | Cantate Domino | Jerry Estes |
| Sanctus | Sanctus | J.W. Kalliwoda |
| Vater unser | Notre Père | Sylvie Serra |
| Agnus Dei | Messe de l’Europe | Jacques Berthier |
| Kommiounslidd | Ubi Caritas et amor | Jerry Estes |
| Schlusslidd | Ne rentrez pas chez vous comme avant | |
| Uergel: Sortie | Sonata (1er mouvement "Invention") | Denis Bédard |
