| lb | fr | pt | en |
D’Ouschtermass gouf aus der Kierch vun Téinten iwwerdroen
Replay op cathol.lu
D’Sonndesmass gouf op Ouschtersonndeg, de 4. Abrëll um 10.30 Auer aus der Kierch vun Téinten iwwerdroen. D’chrëschtlech Gemeinschaft huet mam Kantor John Weber gesong, op der Uergel huet de Jonathan Grün begleet.
D’Mass aus der Kierch Sts-Pierre-et-Paul vun Téinten
Gouf d’lescht Joer d’Ouschtermass iwwer Livestream aus eiser Parkierch vu Bruch gefeiert – ouni Vollek – sou däerfe mer dëst Joer - trotz Pandemie - d’Ouschtermass aus der Péiter- & Paulkierch vun Téinten feieren, mat Vollek am Respekt vun den hygienesche Moossnamen.
An der Ouschtersequenz heescht et: „Tod und Leben, die kämpften unbegreiflichen Zweikampf; des Lebens Fürst, der starb, herrscht nun lebend.“ A genau do läit dat grousst Geheimnis: d’Liewen huet gewonnen, net der Doud. An am operstanene Jesus gëtt dat siichtbar.
Duerfir freeë mer äis, fir dëst Ouschterfest mat iech feieren ze kënnen. Sécherlech ënnert méi enger einfacher Form wéi dat an der Vergaangenheet de Fall war, awer duerfir net manner häerzlech. A mir invitéieren iech all, fir mat äis ze bieden an ze sangen. Well d’Freed vum Liewen, déi loosse mer äis net huelen. Well si ass begrënnt am Ouschtergeschéien.
Iech all wënsche mer ee schéint Ouschterfest – an trotze mer der Pandemie mat eiser Glaawensfreed.
De musikalische Programm vun der Mass
| Prélude | Finale du Prélude BuxWV139 | D. Buxtehude |
|---|---|---|
| Agangslidd | Chrétiens chantons le Dieu vainqueur | M: O filii et filiae / T: J. Servel |
| Kyrie | Lux et origo | |
| Gloria | Lux et origo | |
| No der Lesung | Victimae paschali laudes | |
| Alleluia | Le Christ est vivant | |
| Credo | gëtt gebied | |
| Gowelidd | À Toi la gloire | |
| Sanctus | Lux et origo | |
| Anamnes | Christ est venu | M. Wackenheim |
| Vater unser | gëtt gebied | |
| Agnus Dei | Lux et origo | |
| Kommioun: Uergel | Heut triumphieret Gottes Sohn | J.S. Bach |
| Schlusslidd | Preis dem Todesüberwinder | Schmidts Gsb |
| Sortie | Alleluia vum Händel |
Et séngt d’chrëschtlech Gemeinschaft zu Téinten
Kantor: John Weber
Uergel: Jonathan Grün
- D’Sondesmass um 1. Faaschtesonndeg gouf vun Dikrich iwwerdroen
- D’Mass um 19. Sonndeg am Joreskrees gouf de 7. August vun Habscht iwwerdroen
- D’Sonndesmass gouf vun Uewerwampech iwwerdroen
- D’Mass um 17. Sonndeg am Joreskrees gouf de 25. Juli vun Eschweiler iwwerdroen
- D’Mass op Neijoerschdag gouf vun Habscht iwwerdroen