| lb | fr | pt | en |
D’Mass vum 23. Januar gouf vu Lellig iwwerdroen
Suivéiert d’Mass e Sonndeg HEI am Live-Stream an duerno de Replay
D’Chorale Lellig/Manternach
D’Chorale Ste Cécile vu Manternach ass 1893, déi vu Lelleg 1902, béid als Männerchouer gegrënnt ginn. 1969 ass ënner dem Impuls vum Paschtouer Arthur Joseph Reckinger d’Erweiderung vum Männergesank op gemëschte Chouer geschitt. 1990 hunn déi zwou Choralen dunn decidéiert, zesummen ze sangen, ouni awer hir Eegestännegkeet als Veräin opzeginn.
Eng Zesummenaarbecht, déi bis elo bestens funktionéiert huet. Mir sangen d’Sonndes- an d‘Feierdagsmassen, Begriefnesser an Hochzäiten a bei offizielle Feieren. Wéinst der Pandémie ass d’Aktivitéit awer nach ëmmer op den noutwendege Minimum beschränkt. Jiddfereen dee Freed um Gesank huet, ass häerzlech wëllkomm fir matzemaachen.
Dirigent ass de Roby Mehlen, iwwerdeems de Norbert Weydert an den Ernest Santer meestens fir d’Uergelbegleedung suergen. D’Radiosmass um Fest vum hl. Antonius, Schutzpatroun vun der Lelliger Kierch, begleet de Marcel Weis, e Lelliger Jong, Titularorganist zu Maacher.
De musikalische Programm vun der Mass
| Uergel Entrée | Improvisatioun | |
|---|---|---|
| Agangslidd | Dans la paix et l‘unité | Olivier Matete |
| Kyrie | Seigneur notre Dieu prends pitié | Gospelsong |
| Gloria | Gloire à Dieu et paix sur la terre | |
| Zwëschegesang | Um die Welt geht unser Lied | Willy Trapp |
| Credo | gëtt gebied | |
| Gowelidd | Ein Haus voll Glorie schauet | Joseph Mohr |
| Sanctus | Heilig, heilig, ist der Herr | Franz Schubert |
| Anamnèse | Christ est venu | Geissier/Wackenheim |
| Agnus Dei | Dona nobis pacem | |
| Kommuniounslidd | Rendez grâce au Seigneur | G. Darcy |
| Schlusslidd | Antonius heilger Schutzpatron | |
| Uergel Sortie | Fuga in G | J.S. Bach |
