| lb | fr | pt | en |
D’Mass um 6. Sonndeg gouf vun Habscht iwwerdroen
D’Sonndesmass vum 13. Februar gëtt vun Habscht iwwerdroen. Et séngt déi chrëschtlech Gemeinschaft vun Habscht. Organist a Virsänger ass den abbé Joël Santer. Op der Uergel spillt och d’Katarína Strajtova. D’Mass gëtt um 9 Auer als Tëleesmass live op .dok TV an als Stream op cathol.lu iwwerdroen an um 11 Auer op RTL ZWEE widderholl.
Suivéiert d’Mass e Sonndeg HEI am Live-Stream an duerno de Replay
D’Mass vun Habscht
Op dësem 6. Sonndeg am Joreskrees feiere mer d’Tëleesmass erëm eng Kéier aus der Nikloskierch vun Habscht. Mir wëllen dës Mass mat ville Mënschen feieren, besonnesch mat deenen Eeleren, Kranken an déi, déi sech alleng fillen.
All si mer um Wee, egal wou mer äis befannen. Duerch d’Technik gi mer matenee verbonnen, fir den Härgott ze éieren, an äis géigesäiteg Courage ze maachen op eisem Wee.
Duerfir soll eise Merci och all deene gëllen, déi dës Mass méiglech maachen: déi Veranwortlech an och d’Techniker, déi meeschtens am Hannergrond wierken. Och wa mer si nët gesinn oder héieren, sou leeschten si dach och ee groussen Déngscht bei der Verkënnegung. An do mierkt een erëm: zesummen ass villes méiglech, grad an och an der Kierch.
De musikalische Programm vun der Mass
| Entrée | Improvisatioun iwwer d’Ufankslidd | |
|---|---|---|
| Agangslidd | Écoute la voix du Seigneur | LD 73 |
| Kyrie | Seigneur, prends pitié | Magn. 951 |
| Gloria | Gloire à Dieu, au plus haut des cieux | Magn. 961 |
| Alleluia | Alléluia | |
| Credo | gebiet | |
| Gowelidd | Nimm, o Herr, die Gaben, die wir bringen | LD 235 |
| Sanctus | Saint! Saint! Saint, le Seigneur | Magn. 969 |
| Agnus Dei | Agneau de Dieu | Magn. 975 |
| Kommioun | Aus: Kleine Präludien und Fughetten – N° 3 | J.S. Bach* |
| Schlusslidd | Segne du, Maria | LD 528 |
| Sortie | Fuga G moll BWV 578 | J.S. Bach |
* Organistin Katarína Strajtova
