| lb | fr | pt | en |
D’Mass um 34. Sonndeg am Joreskrees gouf vun Hueschtert (Nidderaanven) iwwerdroen
De 26. November gouf d’Sonndesmass vun Hueschtert iwwerdroen. D’Chorale Ste-Cécile Hueschtert huet mam Dirigent Jean Schumacher gesong, begleet op der Uergel vum Stefan Dorneanu an op der Gei vum Ruben Dorneanu. D’Mass gouf um 9 Auer als Tëleesmass live op .dok TV an als Stream op cathol.lu iwwerdroen an um 11.00 Auer op RTL ZWEE widderholl.
Suivéiert d’Mass e Sonndeg HEI am Live-Stream an duerno de Replay
D’Chorale Ste-Cécile Hueschtert
Dëst Joer feiert d’Chorale Ste-Cécile vun Hueschtert hir 150 Joer.
Bis 1958 war d’Chorale e Männerchouer, duerno e gemëschte Chouer. An deenen laange Joren hat d’Chorale eelef Presidenten an nëmme 4 Dirigenten.
Haut besteet d’Chorale aus 31 aktive Memberen. Dirigent ass de Jean Schumacher. Organist de Stefan Dorneanu, dee fir äis 150 Joer dës Mass komponéiert huet, an dëse Sonndeg fir d’éischt gesonge gëtt. Geiist ass de Ruben Dornenau.
Mat eisem Gesank verschéinere mir all kierchlech a weltlech Fester. Eis Prouwen si Mëttwochs vun 20.00-22.00 Auer an eisem Proufsall 6, rue Principale zu Hueschtert. D’Kontaktpersoun ass:
Juliette Beffort - juliette.beffort@gmail.com
De musikalesche Programm vun der Mass
| Uergel: Entrée | Gott des Himmels und der Erden | Adolf Hesse |
|---|---|---|
| Agangslidd | Herr, durch die ganze Welt | Félix Mendelssohn-Bartholdy |
| Kyrie | Messe Ste Cécile | Stefan Dorneanu |
| Gloria | Messe Ste Cécile | Stefan Dorneanu |
| Alleluja | Halleluja | Wolfgang Amadeus Mozart |
| Credo | gëtt gebiet | |
| Gowelidd | Jubilate Deo | Wolfgang Amadeus Mozart |
| Sanctus | Messe Ste Cécile | Stefan Dorneanu |
| Agnus Dei | Messe Ste Cécile | Stefan Dorneanu |
| Kommiounslidd | Cantabile a Sol Majeur | Justin Heinrich Knecht |
| Schlusslidd | Mög dir Gott seine Gnade | John Rutter |
| Uergel: Sortie | Fugue a Mi Majeur | Jan Krtitel Vanhal |
