| lb | fr | pt | en |
D’Mass um 30. Sonndeg am Joreskrees gouf vu Bettenduerf iwwerdroen
Den 23. Oktober gëtt d’Sonndesmass vu Bettenduerf iwwerdroen. Et séngt d’Chorale Bettenduerf/Reisduerf. Dirigent ass de Fernand Scheller, Organistin ass d’Tamara Rosselet. D’Mass gëtt um 9 Auer als Tëleesmass live op .dok TV an als Stream op cathol.lu iwwerdroen an um 11.00 Auer op RTL ZWEE widderholl.
Suivéiert d’Mass e Sonndeg HEI am Live-Stream an duerno de Replay
D’Chorallen vu Bettenduerf a Reisduerf
Foto: Roland Rothe
Et sinn zwou Chorallen, déi dëst Joer ënnert der Leedung vun hirem Dirigent Fernand Scheller d’Tëleesmass sangen. Si ginn begleet vun der Organistin Tamara Rosselet. Di Bettenduerfer Chorale gouf am Joer 1899 gegrënnt an di Reisduerfer Chorale Sainte-Cécile gouf am Joer 1945 als Männerchouer gegrënnt an 1972 als gemëschte Chouer ëmgestallt. Zënter dem Joer 1998 gëtt zesummen mat der Chorale vu Reisduerf geprouft.
Di béid Chorallen zesummen zielen 17 aktiv Sängerinnen a Sänger.
De musikalische Programm vun der Mass
| Entrée | Praeludium in a Bwv | J. S. Bach |
|---|---|---|
| Agangslidd | Freuet euch allezeit | K. Heizmann |
| Kyrie | Deutsche Kanon-Messe | L. Maierhofer |
| Gloria | Deutsche Kanon-Messe | L. Maierhofer |
| Tëschegesang | Alleluia – Danket dem Herrn | J.P. Schmit |
| Alleluja | Alleluia – Danket dem Herrn | J.P. Schmit |
| Offertoire | Zu dir, léif Himmelsmamm | C. Rodenbour |
| Sanctus | Deutsche Kanon-Messe | L. Maierhofer |
| Agnus Dei | Deutsche Kanon-Messe | L. Maierhofer |
| Kommioun | Pain des merveilles | M. Wackenheim |
| Schlusslidd | Rosenkranzkönigin | M. Haller |
| Sortie | Capriccio sopra la Bassa Flamenga | G. Frescobaldi |
