| lb | fr | pt | en |
D’Mass um 3. Ouschtersonndeg gouf vu Weiler-la-Tour iwwerdroen
Den 23. Abrëll gouf d’Sonndesmass vu Weiler-la-Tour iwwerdroen. Et huet d’Chorale Weiler & Haassel ënnert der Direktioun vum Horatiu Dragan gesong, op der Uergel begleet vum Simone Appelbaum-Goebel. D’Mass gouf um 9 Auer als Tëleesmass live op .dok TV an als Stream op cathol.lu iwwerdroen an um 11.00 Auer op RTL ZWEE widderholl.
Suivéiert d’Mass e Sonndeg HEI am Live-Stream an duerno de Replay
D’Chorale Weiler-Haassel
Chrëschtdag 1969, d’Gebuertsstonn vum Gemëschte Chouer Weiler & Haassel, éischt offiziell Prestatioun vun der Chorale Mixte : no 8 Joerzéngten Astudéieren, Organiséieren an Opféieren beim Weiler Männerchouer, gouf deen Dag en neit an erfollegräicht Kapitel an där bis dato 133-jähreger Geschicht vum Weiler Gesangveräin opgeschloen. D’Bedeelegung vun engagéierten, stëmmsécheren Dammen am Sopran an am Alt huet et zënterhier dem Chouer erlaabt, am Laf vun der Zäit e Repertoire mat Honnerte vu Gesangsstécker opzebauen, vun einfachen, eestëmmege Lidder bis hin zu feierlech-gewaltege Wierker.
Déi aktuell Programmer vun der Chorale kruten zanter 2005 eng nei Ausriichtung : mat gefällege Melodien, expressive Liddertexter an einfachen, klangschéinen Arrangementer ass den zueleméisseg éischter bescheiden opgestallte Chouer stänneg beméit, bei de verschiddenaartegen Optrëtter den Erwaardunge gerecht ze ginn. Eng enk Verbonnenheet mam Gesangveräin ass d’Basis fir en onverännerten Engagement, och bei gesellschaftlechen Ereegnesser. Prouwe gi mëttwochs um 19:30 Auer am Veräinssall zu Haassel ofgehalen.
Fotoe vum Alois Theisen
De musikalische Programm vun der Mass
| Entrée | Processional march | John Warriner |
|---|---|---|
| Agangslidd | Jubilez, criez de joie | Jean-Baptiste Du Jonchay |
| Kyrie | Här, erbaarm dech eiser | Camille Rodenbour |
| Gloria | Gloire à Dieu | Gail Cowle |
| Alleluia | Jésus, tu es ressucité | Claude Tassin |
| Offertoire | Le sel de la paix | J.-P. Kempf / P.-M. Gambarelli |
| Sanctus | Helleg | Camille Rodenbour |
| Anamnes | sur l’air de ’Amazing grace’ | Arr. : Claire Lebert-Lauvergne |
| Agnus Dei | Lamm Gottes | Camille Rodenbour |
| Kommioun | O Salutaris (Petite Messe du Saint Sacrement | Abbé Bourguignon |
| Schlusslidd | La première en chemin | G. Lefèbvre / Sr M.-C. Guedon |
| Sortie | Improvisation dur le Deum | Charles Tournemire |
