| lb | fr | pt | en |
D’Mass um 19. Sonndeg am Joreskrees gouf de 7. August vun Habscht iwwerdroen
D’Sonndesmass de 7. August gëtt vun Habscht iwwerdroen. D’chrëschtlech Gemeinschaft vun Habscht séngt d’Mass. Organist a Virsänger ass den Abbé Joël Santer. Kantor ass den Änder Wio. D’Mass gëtt um 9 Auer als Tëleesmass live op .dok TV an als Stream op cathol.lu iwwerdroen an um 11 Auer op RTL ZWEE widderholl.
Suivéiert d’Mass e Sonndeg HEI am Live-Stream an duerno de Replay
D’Mass zu Habscht
Plëtzlech an onerwaart, sou huet vill Mënschen d’Coronapandemie getraff. Si konnten sech an enger moderner Welt net virstellen, dass eppes eise medezinesche Fortschrëtt sou erausfuerdere géif. Plëtzlech an onerwaart koum fir vill Mënschen den Iwwerfall vu Russland op d’Ukrain. Si konnten sech an enger global verbonnener Welt net virstellen, dass ee Land sou een Ugrëffskrich féiere géif.
Plëtzlech an onerwaart – sou liese mer oft an Doudesannoncen. Mir wëssen net, wann eis Stonn schléit. Waakreg a wuechtsam ze sinn, dat ass noutwendeg, an der Gesellschaft wéi an der Politik, awer gradesou an eisem perséinleche Liewen. An äis ausriichten op deen, deen d’Zil vun eisem Liewen ass.
Sou freeë mer äis, fir och um 19. Sonndeg am Joreskrees mat Iech zesummen d’Sonndesmass aus der Habschter Nikloskierch feieren ze kënnen.
De musikalische Programm vun der Mass
| Entrée | Praeludium in C dur (BWV 547) | J. S. Bach |
|---|---|---|
| Agangslidd | Komm her, freu dich mit uns | Magn. 519 |
| Kyrie | Kyrie | LD 125 |
| Gloria | Gloria | LD 146 |
| Alleluja | Halleluja | LD 192 |
| Credo | gebiet | |
| Offertoire | Uergel | |
| Sanctus | Saint! Saint! Saint | LD 243 |
| Agnus Dei | Agneau de Dieu | LD 279 |
| Kommioun | Improvisatioun iwwer « Wer glaubt ist nie allein » | |
| Schlusslidd | Wer glaubt ist nie allein | H. Horoba/C. Dostal |
| Sortie | Fuga in C dur (BWV 547) | J. S. Bach |
