| lb | fr | pt | en |
De Paschtouer Romain Richer krut de Schlëssel vun der Dikricher Kierch
Freides owes, den 11. November 2022
Symbolesch fir all d’Schlëssele vun de Kierchen aus der Par „Dikrich Le Bon Pasteur“, huet den Abbé Romain Richer freides owes, den 11. November 2022 de Schlëssel vun der Dikricher Kierch vum Prësident vum CGP 11, dem Här Jean-Jacques Schaeffer, iwwerreecht kritt.
Vill Leit hunn sech deen Owend zesummen afonnt, fir esou bei der Installatioun vum neie Paschtouer an der Aféierung vun der Pastoraléquipe dobäi ze sinn. D’Mass gouf vun eisem Generalvikar, dem abbé Patrick Muller gehalen an se ass encadréiert ginn vun der „Chorale Sainte-Cécile Diekirch“, ënnert der Leedung vum Här Raymond Majerus an dem Här Maurice Clement op der Uergel. Uschléissend un d’Mass ass den Owend mat enger Agape ofgeschloss ginn.
Zanter dem September 2022 schaffen d’Paren „Ettelbréck Saints-Pierre-et-Paul“ an „Dikrich – Le Bon Pasteur“ zesummen. Als zwou eegestänneg Pare bleiwen se bestoen, awer et ass eng gemeinsam Pastoraléquipe, déi fir déi zwou Paren zoustänneg ass. Zwou Paren, eng Pastoraléquipe, ee Wee a virun allem eng Missioun: d’Verkënnegung vum Evangelium!
Et ass sécher keen einfache Wee, deen et elo heescht zesummen ze goen. Awer mat der Hëllef vu ville Mënschen a virun allem mam Härgott Sengem Seegen, gëtt mat vill Vertrauen an d’Zukunft gekuckt
