| lb | fr | pt | en |
Friddensgebiet an der Kierch Sacré-Coeur
Réckbléck op e staarke Moment e Freideg 25.3.
Als Äentwert op dem Poopst Franziskus säi weltwäite Gebietsopruff fir de Fridden, an op Ufro vun den ukrainesche Bëscheef fir souwuel Russland wéi d’Ukrain an dësen dramateschen Deeg der Muttergottes ze weien, huet de Kardinol Jean-Claude Hollerich de leschte Freideg, 25. Mäerz, a Presenz vun der ierfgroussherzoglecher Koppel am Kader vun engem besonnesche Gebietsmoment, och zu Lëtzebuerg Russland an d’Ukrain der Kinnigin vum Fridde uvertraut.
Iwwer 400 Gleeweg aus verschiddene Gemeinschaften, Nationalitéiten a Mouvementer haten sech an der Garer Kierch afonnt fir mat enger Stëmm fir de Fridden ze bieden. Musikalesch gouf d’Feier vum jonken Organist Sidney Scho op der Uergel begleed. D’Giulia Pagliarini huet um Cello gespillt an d’Mme Solomia Storozhynska, eng ukrainesch Musikerin, huet d’Weiegebiet op der Gei begleet. Och verschidden Ambassaden, dorënner d’Verënnegt Staten a Polen waren um Rendez-vous.
- Prière pour la paix à l’église Sacré-Coeur
- Friddensgebiet an der Kierch Sacré-Coeur
- Le Cardinal Hollerich à la Rencontre Méditerranée frontière de paix
- Rencontre à Luxembourg du Président de la FAFCE avec le Card. Hollerich, Président de la COMECE
- Jean-Claude Kardinal Hollerich erhielt den Abraham-Geiger-Preis 2022